प्रेग्नंन्सी मधील आहार

प्रेग्नंन्सी मधील  आहार- 

आई होणार या कल्पनेनेच ती स्त्री अगदी आनंदाने फुलून जाते, पण तिने हे विसरता कामा  नये कि तो गर्भ पूर्णपणे तिच्यावर अवलंबून आहे. तिच्या आहाराचा  तसेच आचार-विचाराचा परिणाम बाळावर होत असतो.म्हणून प्रत्येक गरोदर स्त्रीने समतोल आहार घेणे गरजेचे आहे. 

• रोजच्या जेवनात पोळी/भाकरी ,भात,वरण , तूप, आमटी असावी. 
• पालेभाज्या- मेथी,शेपू, करडई, आळू, शेवग्याची पाने,अगस्तीचा पाला, आंबटचुका, पानकोबी, राजगिऱ्याची भाजी,कोथिंबीर. 
• डाळी- तूरडाळ,मुगडाळ,उडीद डाळ, मसूरडाळ. 
• मोड आलेली कडधान्य- मटकी, मूग, हरभरा,वाटाणा. 
• फळभाज्या- गवार,शेवगा, दोडका,वांगी, बटाटा,घोसावली,भोपळा. 
• रोज २ ग्लास दूध प्यावे. 
• मुळा, गाजर, बीट, टोमॅटो, काकडी कच्चे खाणे चांगले. 
• फळे- पेरू,चिक्कू,केळी, सफरचंद,संत्री, मोसंबी.करवंद, बोर, आवळा, कवठ,रामफळ, सीताफळ. 
• मटन,मासे, अंडी. 

    आहारात प्रथिने,पिष्टमय पदार्थ,जीवनसत्व,स्निग्ध पदार्थ,खनिजे ( प्रोटिन्स,व्हिटॅमिन्स,मिनरल्स इ. ) यांचा समावेश असावा. ताजे अन्न खावे.  दिवसातून ३-४ वेळा थोडे थोडे जेवावे. पोटभर जेवू नये, दोन घास कमी खावे. म्हणजे पचन चांगले होते. जेवणांनंतर लगेच पाणी पियू नये. दिवसभरात ३-४ लिटर पाणी प्यावे. 

        कोणताही आहार आनंदाने घ्यावा.